TÜRKMEN SAMBOÇYLARY DAŞKENTDE GEÇIRILEN DÜNÝÄ ÇEMPIONATYNDA DÖRT MEDAL GAZANDYLAR

Türkmen türgenleri Daşkent şäherinde geçirilýän sambo boýunça dünýä çempionatynyň ilkinji iki gününiň dowamynda iki altyn we iki bürünç medal gazandylar. Baýraklaryň ählisi söweş sambosy boýunça gazanyldy.

Erkekleriň arasynda 64 kilograma çenli agram derejesinde Sanjarbek Öwezberdiýew altyn medala mynasyp boldy. 71 kilograma çenli agram derejesinde bolsa Mümünjan Arzykulyýew dünýä çempiony boldy.

Bürünç medallary Ahmet Taňryberdiýew (58 kilograma çenli) we Gurbanbaý Gurbanow (50 kilograma çenli) gazandylar.

Ýubileý dünýä çempionaty 6–8-nji noýabr aralygynda geçirildi. Oňa 101 döwletden türgenler gatnaşdy. Bu bolsa Halkara sambo federasiýasynyň (FIAS) taryhynda rekord görkezijidir.