Saýlawlary guramaçylykly geçirmek boýunça ýygnaklar geçirildi

2017-nji ýylyň 12-nji fewralynda geçiriljek Türkmenistanyň Prezidentiniň saýlawlaryna taýýarlyk işleriniň çäklerinde,  Türkmenistanyň Mejlisiniň deputatlarynyň we Merkezi saýlaw toparynyň hünärmenleriniň alyp barmagynda Ahal, Balkan, Daşoguz, Lebap, Mary welaýatlarynda we Aşgabat şäherinde ýygnaklar geçirildi.

Ýygnaklar 17-18-nji dekabrda geçirilip, oňa saýlaw toparlarynyň, döwlet häkimiýet we ýerli öz-özüňi dolandyryş edaralarynyň, syýasy partiýalaryň, jemgyýetçilik birleşikleriniň we beýleki degişli edaralaryň wekilleri gatnaşdylar. Olara kanunçylyk düzgünleri we Türkmenistanyň Saýlaw kodeksiniň 20-nji maddasyna laýyklykda, öz ygtyýarlyklarynyň çäklerinde saýlawlary guramaçylykly geçirmek boýunça ýerine ýetirilmeli işler barada düşündirildi.