TÜRKMENISTAN HALKARA HAZAR DEŇZINIŇ GÜNÜNI BELLEÝÄR

Şu gün Türkmenistanda 2006-njy ýylda Hazar deňziniň deňiz gurşawyny goramak boýunça Tähran konwensiýasynyň kabul edilmeginiň hormatyna döredilen Halkara Hazar deňzi güni bellenilýär.

Hazarýaka döwlet hökmünde Türkmenistanyň deňiz giňişliginiň ekologiýasyny gorap saklamak boýunça öz mehanizmleri bar. Ýurtda Türkmenistanyň Daşary işler, maliýe we ykdysadyýet ministrlikleri, daşky gurşawy goramak ministrligi we onuň düzüm birligi bolan “Türkmengidromet”, Hazar deňzi instituty we beýleki bölümleri öz içine alýan Hazar deňziniň meseleleri boýunça pudagara topary hereket edýär.

Şeýle hem, Milli Hazar Hereketler Meýilnamasy kabul edilip, birnäçe kadalaşdyryjy resminamalar girizildi.

Türkmenistanyň çäginde ähli senagat we önümçilik desgalary üçin hökmany daşky gurşaw ätiýaçlandyryşy hereket edýär, ýangyç we energetika kärhanalarynyň işine Daşky gurşaw gözegçiligi gullugy we Hazar deňziniň çäginde “Hazarekogözegçilik” ýöriteleşdirilen bölümi tarapyndan gözegçilik amala aşyrylýar.

Şu gün Hazar deňziniň güni mynasybetli “Hazar deňzi – dostluk we parahatçylyk deňzi” atly ylmy-amaly maslahaty öz işine başlady. Mundan başga-da, ýurdumyzyň ähli künjeginde Hazarýaka döwletleriň arasyndaky hyzmatdaşlygyň ösdürilmegi we deňiz gurşawyny gorap saklamak boýunça çäreler geçiriler.